У КЗУП «ЭкаКомплекс» прайшлі спаборніцтва па аматарскай рыбнай лоўлі.

Важную частку ў жыцці любога калектыву складае культурны адпачынак. Аматары рыбалоўнага спорту прынялі ўдзел у спаборніцтвах па рыбнай лоўлі, арганізаваных пры падтрымцы першаснай прафсаюзнай арганізацыі прадпрыемства, - «Няўлоўны карп».

Удзельнікі змагаліся за перамогу ў трох намінацыях: «Шмат рыбы не бывае» (самы вялікі колькасны ўлоў), «Буйная рыба» (самая вялікая рыба па вазе), «Найбольшы злоўлены ўлоў» (самы вялікі ўлоў па вазе).

    Пасля заканчэння спаборніцтваў судзейская калегія правяла падлік і вызначыла пераможцаў, якім былі ўручаны дыпломы і памятныя прызы. Але самай лепшай узнагародай былі станоўчыя эмоцыі, адпачынак на прыродзе, зносіны з сябрамі па духу і злоўленая рыба.