Адзіны дзень інфармавання: новаўвядзенні ў заканадаўстве, дэмаграфічная сітуацыя і многае іншае

У рамках Адзінага дня інфармавання на базе Камунальнага нарыхтоўчага ўнітарнага прадпрыемства «ЭкаКомплекс» была арганізавана дыялогавая пляцоўка, удзел у якой прымалі супрацоўнікі прадпрыемства і запрошаныя госці. 19 кастрычніка 2023 года абмяркоўваліся пытанні, прысвечаныя сацыяльнай падтрымцы дзяржавы сваіх грамадзян. Аб асноўных напрамках, дапамозе і дзяржаўнай палітыцы ў гэтай галіне распавёў супрацоўнікам прадпрыемства дэпутат Палаты прадстаўнікоў Нацыянальнага сходу РБ Струнеўскі А.М.

Як чалавек, не абыякавы да сваіх выбаршчыкаў і хвалюючыся за дабрабыт сваёй краіны, Андрэй Мікалаевіч абмеркаваў з прысутнымі змены ў заканадаўстве, якія рыхтуюцца, у прыватнасці, «Аб адказных адносінах з жывёламі» і «Аб змене Паветранага кодэкса Рэспублікі Беларусь». У падрабязнасцях патлумачыўшы разгляданыя змены і адказаўшы на пытанні слухачоў, у працягу гутаркі, былі асветлены таксама дэмаграфічныя праблемы, новаўвядзенні ў Падатковы кодэкс і многае іншае.